എത്ര ശൂന്യമായ് തോന്നുന്നിതെന്നണി-
യത്ത് നീയിനി ഇല്ലെന്നതോര്ക്കുകില്
എത്ര ഏകാന്തമാണെന് പകലുക-
ളെത്ര എത്രയോ ദീര്ഘങ്ങള് രാവുകള്.
എന്തു ശൂന്യമീ ലോകമേന്നോമലെ
എന്റെ ചാരെ നീ ഇല്ലാതിരിക്കവേ ...
കാണ്മതുണ്ടോ സഖീ നീയുപേക്ഷിച്ച
ലോകമിന്നെത്ര സങ്കട പൂരിതം
ആഗ്രഹിക്കുന്നു ഞാന് വൃഥാ നീ തിരി-
ഞൊന്നു നോക്കുവാന്...
ഒന്ന് നോക്കുവാനെന്റെ കണ്ണീരിനെ...
ഒറ്റയെന്നു പേരിട്ടെന്നെ ഭൂമിയില്
ഒറ്റയാക്കുന്നി തേകാന്ത ജീവിതം
നീയെനിക്കിന്നു നഷ്ടമായ് എന്ന് ഞാന്
കേണിടുമ്പോള് അറിയുന്നതെത്ര ഞാന് !
തിരയടങ്ങാത്ത തീരത്ത് നിന്നു ഞാ-
നോര്ത്തിടുന്നു നാം ഒന്നിച്ച നാളുകള്
ആത്മഹര്ഷം തുളുമ്പുന്ന സൌവര്ണ
ദീപ്തിയോലുന്ന ഓര്മ്മതന് താളുകള്
താണ്ടുവാന് കൊതി ഉണ്ടെനിക്കീ ക-
ടല് ഓമനേ നിനക്കയെത്ര വട്ടവും...
കാല് തളര്ന്നാലുമോടിടും ,
കാതങ്ങള് നൂണ്ടു പോയിടും ,
മുട്ടിലിഴഞ്ഞിടും ,
നീന്തിടും ചുഴികള് എഴും നദി ,
കേറിടും ഒരായിരം വന്മതില്
എന്നിരിക്കിലും പാത ഞാന് വെട്ടിടും
ഏതു ദുര്ഘട ഘോരാന്ധകാരവും
താണ്ടിടും ഇനി നിന് അടുത്തെത്തുവാന്...
അത്രമേല് നിന്നെ ഓമനിക്കുന്നു ഞാന്
അത്രമേല്
നിന്നെ
ഓമനിക്കുന്നു
ഞാന്...
'I miss you' from poetry.com
നല്ല വരികള്..
ReplyDeleteഎത്ര ശൂന്യമായ് തോന്നുന്നിതെന്നണി-
ReplyDeleteയത്ത് നീയിനി ഇല്ലെന്നതോര്ക്കുകില്
നന്നായി , ആശംസകള് .........
ReplyDelete:)
ReplyDelete